Batys Qazaqstanda 100 myńǵa jýyq adam jer kezeginde tur

ORAL. QazAqparat - Batys Qazaqstan oblysy aýdandarynda bıyl jeke úı salýshylarǵa 3252 jer telimin berý kózdelýde,  dep habarlaıdy «QazAqparat» HAA tilshisi.

BQO jer qatynastary basqarmasynyń basshysy Álııa Muhanbetjanovanyń aıtýynsha, sonyń basym kópshiligi (1572) Bórli aýdanynda. Sondaı-aq Zelenov aýdanynda 770 jer telimin úlestirý josparlanyp otyr. Oǵan qosa Terekti aýdanynda - 369, Aqjaıyqta - 218, Qaratóbede - 87, Syrymda - 83, Shyńǵyrlaýda - 78, Jańaqalada - 60, Tasqalada 15 jer telimi turǵyn úı qurylysyna bólinbek.

Ótken jyly 218 jer telimi úı salý úshin azamattarǵa jalǵa berilse, sonyń 51-i - Aqjaıyq, 35-i Jánibek aýdanynda.

Aıta keteıik, oblysta barlyǵy 97 582 adam jer kezeginde tursa, sonyń 69 563-i Oral qalasynyń úlesine tıedi.

«Jalpy, bıyl 2012-2016 jyldary bastalǵan paıdalanylmaı jatqan jerlerdi memleketke qaıtarý baǵytyndaǵy jumystar jalǵasady. Oǵan qosa QR AShM Jer resýrstaryn basqarý komıtetiniń usynystary bekitilgennen keıin óńirdegi barlyq jer qoryn tekserý jumysy bastalady. Sondaı-aq aýdandyq ákimdikter aýyl sharýashylyǵy maqsatyndaǵy jerlerge jer paıdalaný quqyǵyn berý boıynsha konkýrstar ótkizýdi josparlap otyr. Atap aıtqanda, jalpy kólemi 20,1 myń gektardy quraıtyn 39 jer telimi boıynsha 21 konkýrs uıymdastyrylmaqshy. Bul rette saýda-sattyq ótkizý boıynsha daıyndyq jumystaryn júrgizý men jerge ornalastyrý qujattamasyn ázirleý úshin 7,407 mln. teńge qajet», - dedi «QazAqparat» tilshisine Á.Muhanbetjanova.