Batys Qazaqstanda 100-ge jýyq nysan sanıtarlyq talapty buzǵan

ORAL. QazAqparat – Batys Qazaqstan oblysynda 1-17 jeltoqsan aralyǵynda monıtorıng toby 98 nysanda sanıtarlyq talaptardyń buzylǵanyn anyqtady, dep habarlaıdy QazAqparat.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, QR Ákimshilik quqyq buzý kodeksi 425-baby 1-bóligine sáıkes 53 hattama toltyryldy.

Soǵan sáıkes 2,7 mln astam teńge aıyppul salyndy. Reıd kezinde kóp adamnyń qatysýymen 14 is-sharanyń ótkendigi anyqtaldy.

Sondaı-aq saǵat 00.00-den keıin jeke kólikpen júrýdiń 34, betperde taqpaýdyń 2, jumys rejımin buzýdyń 2, qyzmetkerlerge termometrııa júrgizbeýdiń 1 deregi belgili boldy.

Oblystyq densaýlyq saqtaý basqarmasy baspasóz qyzmetiniń naqtylaýynsha, óńirde barlyǵy 158, sonyń ishinde Oralda 20, aýdandarda 138 monıtorıngtik top jumys isteýde.

1-19 jeltoqsan aralyǵynda sanıtarlyq-epıdemıologııalyq talaptardy buzǵany úshin 3 mln 334,1 myń teńgege 58 hattama toltyryldy. Sońǵy aptada, 12-19 jeltoqsanda 1 mln 389,5 mln teńgege 20 hattama túzildi.

Budan buryn dári-dármek baǵasyn ósirgeni, ruqsatsyz satqany, tirkeý qujattarynyń bolmaǵany úshin jeke dárihana ıeleri men jeke tulǵalarǵa barlyǵy 10,9 mln teńgege 65 aıyppul salynǵan bolatyn. Qazan aıynan beri mundaı aıyppul salý tirkelgen joq.

Eske sala keteıik, budan buryn BQO-da juqpaly aýrýlar aýrýhanalarynda 155 naýqastyń emdelip jatqanyn jazǵan bolatynbyz.