Batys Qazaqstanda 100-den astam kıik sýdan shyǵaryldy
«Bókeıorda» memlekettik tabıǵı rezervatynyń dırektory Ulan Mamyrbaevtyń aıtýynsha, oqıǵa 14 naýryz kúni Aqpáter aýyldyq okrýginde boldy.
Onyń sózine qaraǵanda, Qaraózende muz ketip, aǵys kúsheıgendikten, kıikterdiń sýdan shyǵýy qıyndaǵany týraly áleýmettik jelide beınejazba taralǵan.
«Atalǵan jaıt boıynsha rezervat qyzmetkerleri «Ohotzooprom» ÓB» RMQK, BQO orman sharýashylyǵy jáne janýarlar dúnıesi aýmaqtyq ınspektsııasy, aýdan ákimdiginiń ókilderimen birge oqıǵa ornyna jedel jetip, máseleni anyqtady. Qyzmetkerler muz ústinde júrgen kıikterdiń aman ótýine kómektesti. Sol ýaqytta kıikterdiń muz ústinde qalǵany nemese shyǵynǵa ushyraǵany týraly derek tirkelgen joq», dedi QazAqparat tilshisine U.Mamyrbaev.
Eske sala keteıik, budan buryn BQO-nyń Qaratóbe aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Batys Qazaqstanda 50-den astam turǵyn úı sýda qalyp qoıdy.
Tótenshe jaǵdaı jarııalanǵan Kaztalov aýdanynda qaýip seıilgen joq.
BQO-da kólik qatynasy úzilgen aýyldardan 11 júkti áıel shyǵaryldy.
