Batys Qazaqstanda 10 myńnan astam adam Pfizer vaktsınasyn saldyrdy
BQO densaýlyq saqtaý basqarmasy málim etkenindeı, sonyń 5 242-si jasóspirimder bolsa, 364-i – júkti, 4 433-i – bala emizetin áıelder.
Vaktsınatsııa bastalǵannan beri óńirde 270 815 adam nemese egilýge jatatyn turǵyndardyń 65,4 paıyzy birinshi komponentpen egildi.
Sondaı-aq 257 006-sy (62 paıyzy) ekinshi komponentti qabyldady. 58 255 adam revaktsınatsııadan ótti.
Kúni búgin oblysta 69 294 doza І, 119 304 doza ІІ komponent bar.
Basqarmadan túsken málimetke qaraǵanda, pandemııa bastalǵannan beri 49 493, sonyń ishinde bıyl 9 423 adam koronavırýs juqtyrdy.
Qazirgi kezde 751 tósektik 14 ınfektsııalyq statsıonarda 121 naýqas emdelýde. Aýrýhanalar 16,1 paıyzǵa tolǵan. Sonyń 111-i Oral qalasyndaǵy 8 statsıonarda jatyr.
Jansaqtaý bólimshesindegi 19 adamnyń jaǵdaıy aýyr. Sonyń ishinde 8-i ınvazıvti emes jasandy tynys alý apparatyna, 11-i ottegi kontsentratoryna qosylǵan.
Jyl basynan beri 36 naýqas koronavırýstan qaıtys boldy.
Eske sala keteıik, budan buryn Batys Qazaqstanda JRVI-men syrqattanýshylyq 2,3 esege ósip ketkenin jazǵan bolatynbyz.
