Batys Qazaqstanda 1 myń adamǵa koronavırýs ekpesi salyndy
ORAL. QazAqparat – Batys Qazaqstan oblysynda 1 myń adam koronavırýsqa qarsy egildi, dep habarlaıdy QazAqparat tilshisi.
BQO densaýlyq saqtaý basqarmasy málim etkendeı, 1 aqpannan bastap medıtsına, sondaı-aq sanıtarlyq-epıdemıologııalyq sala qyzmetkerleri ekpe aldy.
Aıdyń basynda oblysqa 1 myń doza vaktsına ákelinse, sol ekpe tolyqtaı ıgerildi.
Qazirgi tańda egilgen adamdardy ekinshi qaıtara egýge arnalǵan vaktsına keledi dep kútilýde.
Ekpe alǵan medıtsına qyzmetkerleriniń sózine qaraǵanda, erekshe ózgerister baıqalmaǵan.
Tek úsh kún boıy deneniń álsizdenýi, azdap qyzýdyń kóterilýi, tamaqtyń qyshýy, egilgen jerdiń isinýi sezilgen.
Aqpan aıynyń basynan beri Qazaqstanda Reseıde óndirilgen «Spýtnık V» vaktsınasy qoldanylyp jatqany belgili.
Aıdyń ortasynan bastap Qaraǵandy farmatsevtıkalyq kesheninde óndirilgen osy vaktsınany, al ekinshi toqsannan kúni búgin synnan ótip jatqan otandyq QazCovid-In-di engizý kózdelýde.
«Spýtnık V» vaktsınasy eki bólikten turady. Ekinshi ekpe 21 kúnnen keıin salynady.
Eske sala keteıik, budan buryn BQO-da karantın talabyn buzǵandarǵa 3 mln teńgeden astam aıyppul salynǵanyn, toǵyz mekteptiń karantınge jabylǵanyn jazǵan bolatynbyz.
