Batys Qazaqstan oblysynyń polıtseıi parany qalaı aldy
ASTANA. QazAqparat - QR Memlekettik qyzmet isteri jáne syıblas jemqorlyqqa qarsy is-qımyl agenttigi aýdandyq polıtsııa qyzmetkeriniń paramen qalaı ustalǵanyn kórsetti, dep xabarlaıdy QazAqparat.
Agenttiktiń resmı ókili Janna Bastarovanyń aıtýynsha, ótken demalys kúnderi Batys Qazaqstan oblysyndaǵy Tasqala aýdandyq polıtsııa bólimi bastyǵynyń orynbasary paramen ustaldy. Ol qylmystyq isti qysqartý úshin 100 000 teńgeni talap etken.
«Kúdikti óz kinásin tolyq moıyndady. Qazaqstan Respýblıkasy Qylmystyq-protsessýaldyq kodeksiniń 128-babyna sáıkes kúdikti qamaýǵa alynǵan joq.Atalǵan fakti boıynsha Sybaılas jemqorlyqqa qarsy is-qımyl ulttyq bıýrosynyń Batys Qazaqstan oblysy boıynsha departamenti QR Qylmystyq kodeksiniń 366-baby (para alý) boıynsha sotqa deıingi tergeýdi bastady», - dedi J.Bastarova Astanada ótken baspasóz máslıxatynda.
Aıta keteıik, Almaty qalasynda kóshi-kón qyzmetkerleri deldal arqyly shetel mıgranttaryn zańsyz rásimdep keldi. Qylmystyq topta oblystyq basqar qyzmetkerleri de bolǵan. Búginde barlyǵy qolǵa tústi. Ekeýine qatysty sot sheshimi shyqty.
