Batys Qazaqstan oblysynyń bıýdjeti 36,7 mlrd. teńgeni qurady

ORAL. QazAqparat - Jyl basyndaǵy qaldyqty qosa eseptegende, bıylǵy birinshi toqsannyń qorytyndysy boıynsha Batys Qazaqstan oblysynyń bıýdjeti 36,7 mlrd. teńgeni qurasa, sonyń ishinde 27,3 mlrd. teńge kiris bolyp otyr, dep habarlaıdy «QazAqparat» tilshisi.

Oblystyq qarjy basqarmasynyń baspasóz qyzmetinen túsken málimetke qaraǵanda, kiristiń negizgi kózderi - respýblıkalyq bıýdjet transfertteri (60,8 paıyz) jáne salyqtyq túsimder (33,8 paıyz).

Bıylǵy úsh aıda respýblıkalyq bıýdjetten 16,6 mlrd. teńge tússe, sonyń 10,8 mlrd. teńgesi - sýbventsııalar. 5,8 mlrd. teńge - maqsatty transfertter.

Salyqtyq túsimderdiń 91,5 paıyzyn (8,5 mlrd. teńge) tabys jáne áleýmettik salyq qurap otyr.

Bıýdjettiń shyǵys bóligi 98,7 paıyzǵa nemese 23,4 mlrd. teńgege oryndaldy. Sonyń ishinde 2,9 mlrd. teńge (12,4 paıyz) bilim salasyna jumsaldy. Tehnıkalyq jáne kásiptik bilim berý uıymdarynda mamandar daıarlaýǵa 1,4 mlrd. teńge berildi. Sondaı-aq densaýlyq saqtaý salasyna 3,9 mlrd. teńge (16,7 paıyz) bólindi. Basqa da salalarǵa qarjy tıisinshe baǵyttalýda.