Batys Qazaqstan oblysyndaǵy Trekın aýyldyq okrýginiń ataýy qazaqshalanady
ASTANA. QazAqparat – Batys Qazaqstan oblysynyń Báıterek aýdanyna qarasty Trekın aýldyq okrýginiń ataýy ózgerýi múmkin, dep habarlaıdy QazAqparat tilshisi.
«Batys Qazaqstan oblysy Báıterek aýdanynyń Trekın aýyldyq okrýgi – Baıqonys aýyldyq okrýgi, Trekın aýyldyq okrýginiń Trekıno aýyly Baıqonys aýyly bolyp ózgertilsin. Osy birlesken qaýly jáne sheshim onyń alǵashqy resmı jarııalanǵan kúninen keıin kúntizbelik 10 kún ótken soń qoldanysqa engiziledi», - dep jazylǵan Ashyq NQA portalynda jarııalanǵan Batys Qazaqstan oblysy ákimdigi men maslıhatynyń birlesken sheshim jobasynda.
Qujat 31 shildege deıin kópshilik talqylaýda bolady.
Qosa ketsek, buǵan deıin Almaty oblysyna qarasty 10-ǵa jýyq aýyldyq okrýgtiń ataýyn ózgertý josparlanyp otyrǵanyn habarlap edik.
