Batys Qazaqstan oblysyndaǵy Novopavlovka aýylynyń ataýy ózgeredi

ASTANA. QazAqparat – Batys Qazaqstan oblysyna qarasty Novopavlovka aýyldyq okrýginiń ataýy ózgerýi múmkin. Bul týraly «Ashyq» NQA portalynda jarııalanǵan óńir ákimdigi men oblystyq maslıhattyń birlesken sheshim qujatynda kórsetilgen, dep habarlaıdy QazAqparat tilshisi.

«Batys Qazaqstan oblysynyń Novopavlovka aýyldyq okrýgi men Novopavlovka aýylynyń ataýy Qumaqsaı aýyldyq okrýgi, Qumaqsaı aýyly bolyp ózgertilsin. Bul sheshim oblystyq onomastıka komıssııasynyń qorytyndysy negizinde halyqtyń pikiri eskerile otyryp qabyldandy», - delingen oblystyq ákimdi pen maslıhatynyń birlesken sheshiminde.

Qosa ketsek, bul ýaqytqa deıin Aqmola oblysynyń Býrabaı aýdanyna qarasty Krasnyı kordon aýylynyń ataýy Aqqaıyń bolyp ózgertilgen edi.

Sonymen qatar, taıaýda Atyraý oblysynda Reseımen shekaradaǵy eki aýylǵa Bókeı hannyń esimi berilgenin habarlaǵan bolatynbyz.