Batys Qazaqstan oblysynda jol apatynan eki adam qaza tapty
BQO TJ departamentiniń baspasóz qyzmeti málim etkendeı, oqıǵa 31 qańtar kúni shamamen saǵat 13.10-da Aqjaıyq aýdany aýmaǵynda boldy.
Chapaev-Kaztalov avtojolynyń 15-shaqyrymynda «VAZ-2107» men «Toıota Kamrı» avtokóligi betpe-bet soqtyǵysty.
Sonyń saldarynan «VAZ-2107» avtokóliginiń júrgizýshisi men jolaýshysy oqıǵa ornynda qaza tapty.
Túrli jaraqat alǵan alty adam trassalyq-medıtsınalyq qutqarý beketiniń kúshimen Aqjaıyq aýdandyq ortalyq aýrýhanasyna jetkizildi. Olardyń ishinde 2021 jylǵy sábı bar.
BQO polıtsııa departamentiniń baspasóz qyzmeti oqıǵany rastap, «VAZ-2107» avtokóliginiń 1995 jylǵy júrgizýshisi rýlge ıe bola almaı, «Toıota Kamrımen» túıiskenin jetkizdi.
Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde.
BQO densaýlyq saqtaý basqarmasynyń baspasóz qyzmeti naqtylaǵanyndaı, kóptegen jaraqat alǵan 1960 jylǵy er adam aýdandyq aýrýhananyń hırýrgııa bóliminde jatyr. 1982 jylǵy áıel de sonda, onyń jaq súıekteri, qoly synǵan. Bas pen mıdyń jaraqatyna qosa keýdesinen qatty soqqy alǵan. 1999 jylǵy jigit bas pen mıdyń jabyq jaraqatyn alyp, omyrtqasy synǵan. Tize býynynan qatty soqqy alǵan 1987 jylǵy er adam men shat súıegi synǵan 1998 jylǵy qyz ambýlatorııalyq em alýǵa jiberildi. 2021 jylǵy sábı jaraqat almaǵan.
Jol apatynan qaza tapqannyń ekinshisi - 1987 jylǵy er adam.
Eske sala keteıik, budan buryn Batys Qazaqstanda boranǵa baılanysty jol jabylǵanyn jazǵan bolatynbyz.
