Batys Qazaqstan oblysynda jel kúsheıip, boran soǵady
ORAL. QazAqparat - Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 18 jeltoqsan kúni óńirdiń keı jerlerinde tuman túsip, kóktaıǵaq bolady.
Kúndiz boran soǵady. Ońtústik-batystan soǵatyn jeldiń jyldamdyǵy keı jerlerde sekýndyna 15-20 metrge jetedi.
Oral qalasynda da osyndaı aýa raıy oryn almaq, jeldiń ekpini sekýndyna 18 metrge jetýi múmkin.
Eske sala keteıik, budan buryn BQO-da taǵy bir joldyń jabylǵanyn jazǵan bolatynbyz.
