Batys Qazaqstan oblysynda jalpy somasy 330 mlrd. teńgeni quraıtyn 41 joba júzege asyrylýda
«Búgingi kúnniń negizi mindetteriniń biri jańa óndiris oryndaryn quryp, jumys istep turǵandaryn keńeıtý bolyp otyr. Indýstrııalandyrý kartasy aıasyndaǵy ózektendirilýdi eske alǵanda oblysta somasy 330 mlrd. teńgeni quraıtyn 41 joba júzege asyrylýda 2242 jumys orny qurylady», - dedi ol.
Ákimniń alǵa tartqan derekterine sáıkes, Indýstrııalandyrýdyń alǵashqy 5 jyldyǵynda 258 mlrd. teńgege 31 ınvestıtsııalyq joba júzege asyrylyp, 1828 jumys orny qurylǵan. 2015 jyldyń qorytyndysynda ónerkásiptiń jalpy kólemindegi Indýstrııalandyrý kartasy jobalarynyń úlesi 30 paıyzdy, al óńdeý ónerkásibindegi úlesi 14 paıyzdy quraǵan.
«Mundaı jobalardyń biri - «Oral transformator zaýyty» JShS. Joba quny 3,1 mlrd. teńgeni quraıdy. Trasformatorlardy paıdalanýshylar munaı-gaz salasyndaǵy iri kompanııalar, energetıkalyq keshen kásiporyndary men temir joldar bolyp sanalady. Buǵan qosa, «Oral transformator zaýyty» JShS ónimderiniń 90 paıyzyna deıin TMD elderine eksporttaýǵa baǵyttalǵan, Iran naryǵyna shyǵýdy da josparlaýda. Bul jerde 120 jańa jumys orny qurylǵan. Tolyq qýatyna kóshkende 600 jumys orny qurylady»,- dedi A.Kólginov.
Óńir basshysynyń aıtýynsha, aǵymdaǵy jyldyń sáýirindegi jaǵdaıǵa sáıkes, kásiporyn 500 mln. teńgeniń 840 transformatoryn shyǵarǵan. Onyń 300-i TMD elderine eksporttalǵan.
«Buǵan qosa, aǵymdaǵy jyly «Oral transformator zaýyty» túrik ınvestorlarymen seriktestikte elektr tehnıkalary qural-jablyqtaryn shyǵaratyn «Oralenergo» JShS birlesken kásipornyn ashady. Quny 1,5 mlrd. teńge bolatyn elektr tehnıkalary qural-jabdyqtaryn birlesip shyǵarýdy uıymdastyrý kelisimshartyna qol qoıylǵan. Jańadan 100-den astam jańa jumys orny qurylady. Atalǵan óndiris ornyn aǵymdaǵy jyldyń 2-shi jartyjyldyǵynda iske qosý josparlanǵan», - dedi BQO ákimi.
