Batys Qazaqstan oblysynda teolog mamandar jetispeıdi
BQO din isteri basqarmasynan málim etkenindeı, qazirgi tańda oblys boıynsha destrýktıvti dinı aǵymdardyń jaqtastaryn ońaltý sharalaryna 27 (qalada – 15, aýdandarda – 12) maman jumyldyrylǵan.
Basqarmanyń shaqyrýymen basqa óńirlerden jyl saıyn 3-4 adam jumysqa qabyldanady. Teolog mamandardy turaqtandyrý maqsatynda aýdan ortalyqtarynda, aýyldarda turǵyn úımen qamtamasyz etý múmkindikteri qarastyrylǵan. Jalaqylary orta eseppen 150-250 myń aralyǵynda. Degenmen, aýdandarda teolog mamandar jetispeýde, bul tek din salasynda ǵana emes, basqa mamandyqtarǵa da qatysty.
Basqarma málimetine qaraǵanda, kúni búgin «Nur-Múbarak» ýnıversıtetinde oblystan 45 shákirt oqýda. 2022-2023 jylǵy oqý jylyna BQO-dan «Nur-Múbarak» Egıpet ıslam mádenıeti ýnıversıtetine 6 talapker (memlekettik grantqa – 4, oblystyq grantqa – 1, aqyly negizde – 1) oqýǵa tústi.
Budan basqa, «Qazaqstan musylmandary dinı basqarmasy» respýblıkalyq ıslamı dinı birlestiginiń «Oral» medrese kolledji» jeke mekemesi din salasyndaǵy mamandardy daıyndaıdy. 2022-2023 oqý jylynda BQO ákimdigi arqyly grant bólinip, qazirgi tańda 1 kýrstyń 25 shákirti tegin bilim alýda. Jalpy, «Oral medrese kolledji» boıynsha 59 shákirt dáris alýda.
Dinı salada bilikti qadrlardy daıyndaý, azamattarymyzdy shet elge shyǵýdan bas tartqyzý jáne otandyq teologııalyq oqý oryndaryna qaıta baǵyttaý maqsatynda 2021 jyldyń jeltoqsan aıynda Batys Qazaqstan oblysy ákimdigi men «Nur-Múbarak» Egıpet ıslam mádenıeti ýnıversıtetimen yntymaqtastyq memorandýmǵa qol qoıyldy.
Sonymen qatar bıylǵy 22 maýsymda Batys Qazaqstan oblysynyń din isteri basqarmasy men Qoja Ahmet ıAsaýı atyndaǵy Halyqaralyq qazaq-túrik ýnıversıteti arasynda ózara yntymaqtastyq týraly memorandým jasaldy.
Memorandýmnyń maqsaty – kadrlar daıarlaý salasynda tájirıbe almasý, sondaı-aq din salasynda ózara qyzyǵýshylyqty bildiretin ǵylymı-zertteý qyzmetin júzege asyrý.
Basqarma mamandarynyń aıtýynsha, ýnıversıtettiń pedagogıkalyq quramymen jáne stýdenttermen kezdesýde Batys Qazaqstanda din salasyndaǵy kadrlar tapshylyǵy bar ekeni atap ótildi. Sonymen qatar, din salasy boıynsha sarapshylar men mamandardyń qatysýymen konferentsııalar, semınarlar, zertteý jumystaryn, tájirıbe almasý syndy ózge de baǵyttar boıynsha birlesip jumystanýǵa kelisildi.
Bıyl Qazaqstan musylmandary dinı basqarmasyna qarasty «Oral» medrese kolledjinde oqý jyly aıaqtalyp, qorytyndy synaqtan ótken 10 shákirtke dıplom berildi. Oblys aýmaǵynda aýyldyq jerlerdegi meshitterde kadr tapshylyǵyn joıý maqsatynda 2 shákirt Aqjaıyq, 2 – Báıterek, 1 – Bórli, 2 – Syrym, 2 – Kaztalov aýdanyna, 1 túlek Atyraý oblysyna qyzmet isteýge baǵyttaldy. Osy oraıda úsh meshitte (Bórli, Alǵabas, Taldyqudyq aýyldary) ımam máselesi sheshildi.
«2023 jyly din salasynda oblysta polıtsııa departamentimen 6 ákimshilik quqyq buzýshylyq (2018 – 12, 2019 – 16, 2020 – 23, 2021 – 23, 2022 jyly –15) tirkeldi. Zańǵa sáıkes dinı kitaptardy dinı ǵımarattardyń aýmaǵynda (meshit, shirkeý) nemese arnaıy belgilengen oryndarda, sondaı-aq sol oryndardyń áleýmettik jelileri arqyly taratýǵa nemese satýǵa bolady. Alaıda áleýmettik jeliler men ınternet saýda alańdaryna monıtorıng júrgizý barysynda Olx.kz saýda alańynda dinı mazmundaǵy ádebıetterdi satý belsendi júrip jatqany belgili boldy. Oǵan qosa mundaı jarnamalar Instagram paraqshalarynda jıi ornalastyrylady. Bul ákimshilik quqyqbuzýshylyq bolyp tanylady jáne ákimshilik aıyppul 100 aılyq eseptik kórsetkish nemese 345 myń teńgeni quraıdy. Ózge de quqyq buzýshylyqtardyń aldyn alý, sanyn azaıtý jáne halyqty aqparattandyrý maqsatynda profılaktıkalyq is-sharalar udaıy júrgiziledi. Áleýmettik jelilerde eldiń ártúrli oblystarynda jasalǵan ákimshilik quqyq buzýshylyqtar týraly materıaldar ornalastyrylady. Halyqtyń túrli toptaryna, ásirese, jastar arasynda destrýktıvti materıaldardy ornalastyrý jáne taratý, zańsyz mıssıonerlik qyzmet, sondaı-aq basqa quqyq buzýshylyqtarǵa barǵandardyń ákimshilik jáne qylmystyq jaýapkershilikke tartylatyny týraly aqparat jetkiziledi. Qazirgi kezde oblys aýmaǵynda dinı ahýal turaqty. Bul – oblystaǵy quzyrly memlekettik, quqyq qorǵaý organdary jáne úkimettik emes uıymdardyń birlesip atqaryp jatqan jumystarynyń nátıjesi», dep habarlady vedomstvodan.
Aıta keteıik, kúni búgin oblys aýmaǵynda 8 konfessııany quraıtyn 86 dinı birlestik tirkelgen. Dinı ádebıetterdi taratýǵa arnalǵan 7 statsıonarlyq oryn, 4 namazhana jáne 3 pravoslavııalyq kishi shirkeý (chasovnıa) jumys isteıdi.
