Batys Qazaqstan oblysynda sý tasqynynan buzylǵan 20 úıdi jóndeý jumystary bastalady

ASTANA. QazAqparat – Batys Qazaqstan oblysynda kóktemgi sý tasqynynan buzylǵan 20 úıdi jóndeý jumystary osy aıda bastalady. Bul týraly Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Aqtóbe oblysy Qobda aýdany Qobda aýylynda turǵyn úıi apatty jáne turýǵa jaramsyz dep tanylǵan 30 otbasy anyqtaldy. Jańa 24 turǵyn úıdiń (onyń ishinde 18 bir páterli jáne 6 eki páterli) qurylysy bastaldy. Batys Qazaqstan oblysynda Bórli aýdanyndaǵy 20 buzylǵan úı (Aqbulaq aýyly – 7, Keńtúbek aýyly – 5, Pýgachevo aýyly – 4, Qyzyltal aýyly – 3, Araltal aýyly – 1) boıynsha keltirilgen zalaldy baǵalaý aıaqtaldy. Jóndeý-qalpyna keltirý jumystaryn osy jyldyń mamyrynda bastaý josparlanyp otyr», - dedi Úkimet basshysynyń birinshi orynbasary jaýabynda.