Batys Qazaqstan oblysynda sý tasqyny saldarynan 108 bas mal qyryldy
«Buǵan deıin saǵat 13.00-degi jaǵdaı boıynsha Batys Qazaqstan oblysynda 172 úı sý astynda qalǵany týraly aqparat berilgen bolatyn. Komıssııalyq tekserýlerden keıin 99 úı sý astynda qalǵany anyqtalyp, naqtylandy. Aqmola jáne Qaraǵandy oblystaryndaǵy jergilikti mańyzy bar avtojoldardyń 2 ýchaskesinde sý tasqyny boldy. BQO Jánibek aýdany Jaqsybaı eldi mekeninde sý basý saldarynan 108 bas mal qyryldy», - delingen QR Tótenshe jaǵdaılar mınıstrliginiń aqparatynda.
Vedomstvo málimetinshe, sý tasqyny kezeńi bastalǵannan beri 8 eldi mekende 184 turǵyn jáne 15 saıajaı úıleri, 2 áleýmettik nysan erigen qar sýynyń astynda qaldy. Pavlodar jáne Aqtóbe oblystaryndaǵy 43 úıden sý buryldy.
«841 adam aldyn ala evakýatsııalandy, onyń ishinde 430-y ýaqytsha evakýatsııalaý pýnktterinde, 411-i týysqandarynda ornalastyryldy. Sý basqan 141 turǵyn jáne 15 saıajaı úıleri baqylaýda», - dep atap ótedi mınıstrlikten.