Batys Qazaqstan oblysynda sońǵy aptada 20 adam koronavırýstan qaıtys boldy
BQO densaýlyq saqtaý basqarmasynyń baspasóz qyzmeti málim etkenindeı, qazirgi tańda oblysta 1459 tósektik 20 ınfektsııalyq statsıonarda 573 naýqas emdelýde.
Sonyń ishinde Oral qalasynda 911 tósektik 7 aýrýhanada 455 adam jatyr.
Statsıonarlardaǵy 109 tósektik jansaqtaý bólimshelerinde 41 naýqas em qabyldaýda.
Sońǵy aptada aldyńǵymen salystyrǵanda, aýrý juqtyrý kórsetkishi 6,9 paıyzǵa (63 naýqasqa) azaıdy.
Basqarma málimetine qaraǵanda, bıyl jyl basynan beri indet juqtyrǵan 25 201 adamnyń 17 533-inde aýrý belgileri bolsa, 7668-i – sımptomy joqtar.
Qańtardyń 1-inen beri 2058 baladan indet tabylsa, sonyń 1993-i jazylyp shyqty. 65-i áli aýyryp jatyr.
Oblysta turǵyndardy vaktsınatsııalaý jumysy jalǵasýda. Kúni búgin 9491 medıtsına qyzmetkeri, 15 973 pedagog, 4411 quqyq qorǵaý organdarynyń ókilderi (89,27 paıyz), ónerkásip kásiporyndarynyń 2896 qyzmetkeri (99,01 paıyz), sondaı-aq medıtsınalyq-áleýmettik jáne jabyq balalar mekemelerinde jumys isteıtin 1292 adam (94.1 paıyz) ekpe saldyrdy.
Eske sala keteıik, budan buryn Batys Qazaqstanda sońǵy tórt kúnde 435 adamnyń koronavırýs juqtyrǵanyn, 200 myńǵa jýyq adamnyń koronavırýs ekpesin saldyrǵanyn jazǵan edik.