Batys Qazaqstan oblysynda shekteý sharalary jeńildedi
BQO bas memlekettik sanıtar dárigeriniń 1 naýryzda jańa qaýlysy shyqty.
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, budan bylaı memlekettik qyzmetkerlerdiń - keminde 60, jeke kásipkerliktegilerdiń 50 paıyzy qashyqtan jumys isteıdi.
Sondaı-aq jabyq bazarlar men saýda úıleri jeksenbi kúni de ashyq bolady.
Mektepterde buryn 1-5 synyptarda kezekshi toptar ǵana oqysa, endi bári de dástúrli túrde bilim ala alady. Tek bir synypta balalar sany 15-ten aspaýy qajet.
Sondaı-aq osy kezge deıin sabaqtan tys ýaqytta 5 baladan aspaıtyn topqa jeke oqytýǵa ruqsat berilse, endi 15 balaǵa deıin kóbeıtildi.
Eske sala keteıik, budan buryn BQO-da naýryzda 3 myńǵa jýyq adamdy koronavırýsqa qarsy egý kózdelip otyrǵanyn jazǵan bolatynbyz.
