Batys Qazaqstan oblysynda shegirtkege qarsy hımııalyq óńdeý jumystary bastaldy – AShM
Batys Qazaqstan oblysynyń Qaratóbe aýdanyna qarasty Qoskól aýyly aýmaǵyndaǵy Shora qystaǵynda 1 jastaǵy ıtalııandyq prýs dernásili kóbeıip jatqany anyqtaldy. Osyǵan baılanysty mamandar hımııalyq óńdeý shegirtke dernásiliniń ońtaıly jasynda júrgizilýi tıis ekenin aıtady. Ádistemelik nusqaýǵa sáıkes shegirtke zııankesterine qarsy hımııalyq óńdeý 2-3 jasta júrgiziledi. Jalpy, Batys Qazaqstan oblysynda bıyl 72,326 myń gektarǵa úıirli shegirtke zııankesteri, onyń ishinde 70,326 myń gektarǵa ıtalııandyq prýs jáne 2 myń gektarǵa azııa shegirtkesi taralýy múmkin degen boljam bar.
«Hımııalyq is-sharalardy ýaqytynda atqarý úshin óńirge dári-dármekter jetkizildi. Sondaı-aq hımııalyq óńdeý qyzmetterin atqaratyndarmen shart jasaldy. Oǵan barlyǵy 30 tehnıka (onyń ishinde 3 gaz generatory) jumyldyrylady. BQO Qaratóbe aýdany Qaratóbe aýyldyq okrýgi aýmaǵynda «Enjıo», «Lokýstın», «Imıdor», «Kombat» jáne «Tsıprofen» preparattarymen óńdeý jumysy josparly túrde bastaldy», delingen habarlamada.
Elimizde 2021 jyly 640,85 myń gektar jerge úıirli shegirtke zııankesteri, onyń ishinde ıtalııandyq prýs 384 myń gektarǵa, azııa shegirtkesi 142 myń gektarǵa jáne marokka shegirtkesi 114 myń gektarǵa taralýy múmkin dep boljanyp otyr.
Mınıstrliktiń málimetinshe, pestıtsıd pen hımııalyq óńdeý qyzmetteri barlyq boljamdy alańǵa satyp alyndy. Sonymen qatar, 223 myń gektarǵa jetetin pestıtsıd qory bar.
Úıirli shegirtkelerdi tıimdi óńdeý úshin pestıtsıdterdiń túrli toptarynyń preparattary satyp alyndy. Bul baǵyt boıynsha oblys ákimdikterimen birlese jumys isteý júıesi ázirlendi. Qazirgi ýaqytta oblys ákimderiniń orynbasarlary basqaratyn jedel shtabtar quryldy, sondaı-aq monıtorıng jáne hımııalyq óńdeý jumystaryn uıymdastyrý jónindegi jumys josparlary bekitildi.
Óńdeýge arnaıy búrikkish 183 tehnıka (150 jerústi búrikkishi, 12 ushaq, asa jeńil avıatsııanyń 13 kemesi jáne 8 aerozoldi gaz generatory) tartylady.
Úıirli shegirtke zııankesteriniń oshaqtaryn anyqtaý úshin 38,4 mln gektar jer zertteledi. Osy jumysty júrgizý úshin 524 avtokólik pen 1230 tekserýshi tartylady.
Maýsym aıynda kórshiles memlekettermen (QHR, RF, RÝ) shekaralas aýmaqtarda shegirtke zııankesterin anyqtaý úshin birlesken zertteý júrgizý josparlanyp otyr.
Túrkistan jáne Jambyl oblystarynda marokko shegirtkesine qarsy óńdeý jumystary aıaqtaldy. Al, Aqtóbe oblysy men BQO-da ıtalııandyq prýsqa qarsy óńdeý jumystary bastaldy.