Batys Qazaqstan oblysynda qyrylǵan kıikterdiń sany 3200-ge jetti

dep habarlady QR Tótenshe jaǵdaılar mınıstrliginiń baspasóz qyzmetinen.

«Mamyrdyń 21-i saǵat 17:30-daǵy jaǵdaıǵa sáıkes 4 500 gektar aýmaqta qyrylǵan kıikterdiń sany 3200-ge jetti», delingen vedomstvo aqparatynda.

Budan buryn habarlaǵanymyzdaı, mamyrdyń 20-ynda saǵat 11:20-da Jánbek aýdany (Jaqsybaı aýyldyq okrýginiń Aıdarly, Jumash jáne Borsy aýyldyq okrýginiń Vyshka, Qaıdar, Shalash eldi mekenderi) aýmaǵynda kıikterdiń jappaı ólýi týraly aqparat kelip túsken. Oqıǵanyń saldaryn anyqtaý maqsatynda komıssııa qurylǵan.

Sál keıinirek Aýyl sharýashylyǵy mınıstrliginiń Orman jáne ańshylyq sharýashylyǵy komıtetiniń tóraǵasy Erlan Nysanbaev Batys Qazaqstanda ólgen kıikter sany 2 myńǵa jetkendigin málim etti.

Mamyrdyń 20-sy kúni arnaıy komıssııa kıikterdiń óligi tabylǵan aımaqqa tekserýge shyqqanda taǵy 1200 ólgen kıik tapqandyǵyn atap ótken ol, «kıikterdiń óliminiń birinshi belgileri, olardyń ishteri keýip ketken, al aýyzdarynan jasyl kóbik aǵyp jatyr. Qazirgi tańda onyń ne sebepti bolǵandyǵy anyqtalýda. Oqıǵanyń saldary zerttelýde. Jaqyn arada biz onyń naqty sebepterin bilemiz degen oıdamyn», degen bolatyn.

Keshe aımaqqa tekserý jumystaryn júrgizý maqsatynda arnaıy sala mamandary shyqty. Onyń quramynda Batys Qazaqstan oblysynyń ákimi, prokýratýra, Tótenshe jaǵdaılar men Aýyl sharýashylyǵy mınıstrliginiń jáne sanıtarlyq-epıdemıologııalyq qadaǵalaý salasynyń mamandary bar.

«Erteń keshkisin biz kıikterdiń ne sebepten ólgendigin naqty anyqtap, jaǵdaıdy bilip qaıtamyz. Eger kıikterdiń ólimine qandaı da bir adamı faktorlar áser etken jaǵdaıda oǵan kináli azamattarǵa nemese tıisti mekeme basshylaryna qatysty qylmystyq is te qozǵalýy múmkin. Sebebi 2 myń kıik degenińiz óte úlken shyǵyn», degen bolatyn komıtet tóraǵasy BAQ ókilderine arnalǵan baspasóz máslıhaty barysynda.

Onyń málimetterinshe, Batys Qazaqstan aımaǵynda osy ýaqytqa deıin 26 600 kıik bolǵan. Al respýblıka boıynsha, kıikter sany 2003 jyly - 21 myń bolsa, osy ýaqytqa deıin olar 90 myńǵa jetken.