Batys Qazaqstan oblysynda qudyqqa qulaǵan sábı kóz jumdy

ASTANA. QazAqparat – Batys Qazaqstan oblysynda qudyqqa qulaǵan kishkentaı bala kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 14 maýsym kúni Jánibek aýdany Jánibek aýylynda boldy.

«Shamamen saǵat 22.00-de 2021 jylǵy 6 shildede dúnıege kelgen ul bala Ǵ. Qarash kóshesi, 61 mekenjaıy tusynda tereńdigi 2 metr, ashyq jatqan, sý toly qudyqqa qulap ketken. Bala Jánibek aýdandyq ortalyq aýrýhanasyna jetkizilgenmen, esin jııa almastan qaıtys boldy. Qazirgi kezde atalǵan oqıǵa boıynsha sotqa deıingi tergeý amaldary júrgizilip jatyr. Sot-medıtsınalyq saraptama taǵaıyndaldy», - dep habarlady vedomstvodan.

Turǵyndardyń aıtýyna qaraǵanda, bala aýdan ákimdigi ǵımaratynyń artynda ornalasqan qudyqqa túsip ketken.