Batys Qazaqstan oblysynda kóliktiń órtenýi jıilep ketti
ORAL. QazAqparat – Batys Qazaqstan oblysynda avtokóliktiń órtenýi jıilep ketken, dep habarlaıdy QazAqparat tilshisi.
Oblystyq Tótenshe jaǵdaılar departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, bıyl avtokóliktiń órtenýi jıilep otyr. Ótken jyly osy merzimde 24 avtokólik jalynǵa sharpylsa, bıyl onyń sany 28-ge jetken. Al turǵyn úı sektorynda jyl basynan beri 117 (ótken jyly osy merzimde - 136) órt boldy.
Departamentiniń baspasóz qyzmetinen túsken málimetke qaraǵanda, 22 mamyr kúni Aqjaıyq aýdany Almaly aýylynda «Folksvagen Passat» avtokóliginiń motor bóligi órtengen. Bul týraly saǵat 11.55-te habar túsken. Oqıǵa ornyna órt sóndirýshiler barǵan joq.
Sol sııaqty keshe Shyńǵyrlaý aýdany Shyńǵyrlaý aýylynda eshkim turmaıtyn úı (ıesi bar) órtendi. Tasmaǵambetov kóshesindegi 4A-úı órtenip 42 sharshy metrdi qamtydy. №23 órt sóndirý bóliminiń kúshimen (4 adam, 1 tehnıka) «tilsiz jaý» saǵat 10.50-de oqshaýlanyp, 11.35-te aýyzdyqtaldy.
Qazirgi kezde eki órttiń shyǵý sebebi, keltirilgen shyǵyn, kináli adamdar anyqtalý ústinde.
