Batys Qazaqstan oblysynda qazirgi kezde kólik qatynasyna shekteý joq - Kólik jáne kommýnıkatsııa mınıstrligi
ASTANA. 8 sáýir. QazAqparat - 2011 jylǵy 8 sáýirde saǵat 16.00-den bastap Batys Qazaqstan oblysynda Podstepnoe - Fedorovka - RF shekarasy avtojolynyń budan buryn jabyq dep jarııalanǵan eki ýchaskesinde jol ashyldy.
Dálirek aıtqanda, Podstepnoe aýyly - Fedorovka aýyly (0-37 shq) jáne Bórli aýyly - RF shekarasy (96-135 shq) ýchaskelerinde kólik qaıtadan júre bastady. Bul týraly QR Kólik jáne kommýnıkatsııa mınıstrliginiń baspasóz qyzmeti habarlady.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady.
