Batys Qazaqstan oblysynda eki sý qoımasy salynady
«Sý qoımalary máselesi jóninde Batys Qazaqstan oblysynda eki sý qoımasyn salý jáne bireýin jańartý kózdelgen. Sonymen, Reseıden Edil sýyn berý jónindegi qyzmetterge respýblıkalyq bıýdjettiń shyǵyndaryn 30 paıyzǵa deıin tómendetý jáne 12 myńnan astam turǵyndardy sýmen qamtamasyz etý úshin Kaztalov aýdanynyń Jalpaqtal aýylynan joǵary Qaraózen ózeninde kólemi 28 mln tekshe metrge deıin bolatyn sý qoımasyn salý jobasynyń tehnıkalyq-ekonomıkalyq negizdemesi daıyndaldy. Memlekettik saraptamanyń oń qorytyndysy alyndy jáne ony iske asyrý 2022-2024 jyldarǵa josparlanyp otyr» delingen Roman Sklıardyń jaýabynda.
Sonymen qatar, vıtse-premer jobalyq syıymdylyǵy 10-12 mln tekshe metrdi quraıtyn Kaztalov aýdanynyń Seksenbaı aýyly tusynan sý qoımasy qurylysyna qazirgi ýaqytta tehnıkalyq-ekonomıkalyq negizdeme daıyndalyp jatqanyn jetkizdi.
«Budan basqa, Kırov sý qoımasyn rekonstrýktsııalaý úshin jobalaý-smetalyq qujattama daıyndaldy. Onyń quny - 2,6 mlrd teńge. Jobany iske asyrý 2022-2024 jyldarǵa josparlanyp otyr. Jaıyq ózeninen sý tutyný mólsherin azaıtý maqsatynda sýlandyrý júıesin rekonstrýktsııalaý, qaıtalama sý paıdalaný, egin sharýashylyǵynda tamshylatyp, jańbyrlatyp sýarý ádisterin qoldaný jáne basqa da tetikter qarastyrylǵan», - dedi ol.