Batys Qazaqstan oblysynda eki adam sýǵa batyp ketti
ORAL. QazAqparat - Batys Qazaqstan oblysynda eki er adam sýǵa batyp ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa 8 maýsym kúni Bókeı ordasy aýdanynda boldy.
«Aýdan ortalyǵy Saıqyn aýylynan 20 shaqyrym jerde kóktemgi tasqyn kezinde jınalǵan sýda shomylǵan 36 jastaǵy er adam batyp ketti. Jergilikti turǵyndar saǵat 18.30-dan bastap onyń denesin izdestirgen. Oqıǵa ornyna qutqarýshylar men polıtsııa qyzmetkerleri de bardy. Іzdestirý jumystary 9 maýsymda jalǵasady», - dep habarlady vedomstvodan.
Taǵy bir oqıǵa 4 maýsym kúni osy aýdannyń Bısen aýylynda boldy. Saǵat 18.30-da jergilikti turǵyndar 56 jastaǵy er adamnyń denesin sýdan shyǵaryp aldy. Onyń óliminiń mán-jaıy anyqtalyp jatyr. Sot-medıtsınalyq saraptama taǵaıyndaldy.
Eske sala keteıik, budan buryn BQO-da polıtsııa qyzmetkeriniń eki balany qutqaryp qalǵanyn jazǵan bolatynbyz. Sondaı-aq Aqsaı qalasynda er adam 9-qabattan qulap, mert boldy.
