Batys Qazaqstan oblysynda egilýi tıis turǵyndardyń 65,8% vaktsına saldyrdy

ORAL. QazAqparat – Batys Qazaqstan oblysynda 272 618 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – egilýge jatatyn turǵyndardyń 65,8 paıyzy.

Sondaı-aq 260 244-i (62,8 paıyzy) ekinshi komponentti de saldyrdy.

Qazirgi tańda oblysta 60 273 doza І, 115 008 doza ІІ komponent vaktsına bar.

Oblys boıynsha 64 902 adam revaktsınatsııadan ótti. 10 567 adam Pfizer kompanııasynyń vaktsınasyn qabyldasa, sonyń 388-i – júkti, 4 683-i – bala emizetin áıelder, 5 489-y – jasóspirimder, jeteýi – múgedekter.

Basqarmadan túsken málimetke qaraǵanda, pandemııa bastalǵannan beri 49 613, sonyń ishinde bıyl 9 543 adam koronavırýs juqtyrdy.

Sońǵy táýlikte 5 naýqas tirkeldi.

Kúni búgin 751 tósektik 14 ınfektsııalyq statsıonarda nebári 27 naýqas emdelýde. Sonyń jeteýi aýyr halde.

Eske sala keteıik, budan buryn Batys Qazaqstanda sońǵy aptada koronavırýs juqtyrý 43,7 paıyzǵa azaıǵanyn, 800-ge jýyq adamnyń karantın talabyn buzǵanyn jazǵan bolatynbyz.