Batys Qazaqstan oblysynda burshaq túsýi múmkin - 19 maýsymǵa arnalǵan aýa-raıy boljamy
ASTANA. 18 maýsym. QazAqparat - 19 maýsym kúni atmosferalyq frontaldyq aǵymdardyń ótýimen birge Qazaqstannyń kóptegen aýmaǵynda turaqsyz aýa raıy oryn alady, jańbyr jaýady, soltústik-batysta keıbir jerlerde qatty jaýyn jaýyp,
naızaǵaı kútilýde, jel kúsheıip, batysta burshaq túsýi múmkin, dep habarlaıdy Qazgıdrometke silteme jasap, TJM-niń baspasóz qyzmetinen.
Aqmola oblysynda keıbir jerlerde jeldiń 18 m/s-qa deıin kúsheıýi kútiledi, túnde keıbir jerlerde tuman túsedi.
Mańǵystaý, Atyraý, Aqtóbe, Pavlodar, Qaraǵandy, Shyǵys Qazaqstan, Jambyl, Ońtústik Qazaqstan, Qostanaı oblystarynyń jekelegen aýdandarynda jel 15-23 m/s-qa deıin kúsheıedi.
Batys Qazaqstan oblysynda keıbir jerlerde burshaq túsýi múmkin, jeldiń kúshi 15-20 m/s-qa deıin jetedi. Túnde Soltústik Qazaqstan oblysynda keıbir jerlerde tuman túsýi yqtımal.
Qyzylorda oblysynda, Atyraý, Batys Qazaqstan, Aqtóbe, Qaraǵandy oblystarynda tótenshe joǵary órt qaýiptiligi saqtalady.
Jambyl, Qyzylorda oblystarynda, Ońtústik Qazaqstan, Aqtóbe, Qostanaı, Qaraǵandy oblystarynyń keıbir jerlerinde kún qatty ystyq bolady dep kútilýde.
Jaqyn táýlikte Qazaqstannyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary baıqalady.
