Batys Qazaqstan oblysynda aptap ystyq bolady
ORAL. QazAqparat – Batys Qazaqstan oblysynda aldaǵy úsh kúnde qatty ystyq bolady, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 5-7 shilde kúnderi oblystyń ońtústiginde 40-42 gradýs ystyq bolýy yqtımal.
Osyǵan baılanysty BQO TJ departamenti tótenshe jaǵdaılardy boldyrmaý maqsatynda tıisti sharalardyń alynyp jatqandyǵyn habarlady.
Óńirde birneshe kúnnen beri kún ysyp tur.
TJ departamenti kúnniń qatty ysýyna baılanysty órt qaýpiniń de kúsheıip otyrǵandyǵyn jetkizdi.
Eske sala keteıik, budan buryn aldaǵy úsh kún Atyraý oblysynda 42 gradýsqa deıin aptap ystyq bolatynyn jazǵan edik.
