Batys Qazaqstan oblysynda 8 aıda 10 myńnan astam jumys orny ashyldy
ORAL. QazAqparat - Elimizde nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasy júzege asyrylyp jatqany belgili. Osyǵan oraı «QazAqparat» tilshisi Batys Qazaqstan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Qalııar Aıtmuhambetovpen tildesken edi.
-Qalııar Shadııaruly, baǵdarlama baǵyttary boıynsha bólingen qarjy qalaı ıgerilýde, aldymen soǵan toqtalsańyz?
-Elbasynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyndaǵy úshinshi keshendi mindet eńbek naryǵyn jańǵyrtý ekendigi málim. Osyǵan baılanysty qolǵa alynǵan atalmysh baǵdarlamanyń maqsaty halyqty nátıjeli jumyspen qamtýǵa járdemdesý jáne azamattardy kásipkerlikke tartý bolyp tabylady.
Baǵdarlamany júzege asyrý úshin oblysqa 3532,2 mln teńge (respýblıkalyq bıýdjetten 1807,0 mln, jalpy transfertter esebinen 1716,2 mln teńge) bólindi. 1 qyrkúıekke deıin qarjylandyrý jospary boıynsha bólingen 2350,3 mln teńgeniń 2338,7 mln teńgesi nemese 99,5 paıyzy ıgerildi.
«Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» atty 1-baǵyt aıasynda tehnıkalyq jáne kásiptik bilimi bar kadrlardy daıarlaý boıynsha 800 adamdy oqytý úshin 160,7 mln teńge qaraldy. Baǵdarlamaǵa qatysýshylardy tehnıkalyq jáne kásiptik bilimmen qamtamasyz etý úshin 13 mamandyq, 18 biliktilik boıynsha 22 kolledjde oqytylatyn bolady. Buǵan deıin 183 jedel top qurylyp, oqýǵa joldanatyn adamdardyń tizimi jasalǵan edi. Oqytý 1 qyrkúıekten bastalyp, 800 adam bilim alýda.
Sonymen qatar oblystyń 25 kolledji men 10 oqý ortalyǵynda jumysshy kadrlardy eńbek naryǵynda suranysqa ıe mamandyqtar boıynsha 3132 adamdy qysqa merzimdi kásiptik oqytý boıynsha 510,7 mln teńge bólindi. Osyǵan oraı ár óńirdiń erekshelikterine sáıkes eńbek naryǵyndaǵy jumys kúshine taldaý jasalyp, suranystar zertteldi. Soǵan sáıkes eńbek naryǵyndaǵy suranysqa ıe túrli mamandyqtar boıynsha 2209 adam qysqa merzimdi kýrstarǵa joldandy. 1 qyrkúıekke qarjylandyrý jospary boıynsha berilgen 180,8 mln teńgeniń 171,2 mln. teńgesi nemese 94,7 paıyzy ıgerildi.
Baǵdarlamanyń «Jappaı kásipkerlikti damytý» 2-baǵyty aıasynda oblys boıynsha 374 adamǵa (sonyń ishinde aýyldyq jerdegi 300 adamǵa 1474,0 mln, qalalyq jerdegi 74 adamǵa 294,7 mln teńge) 1768,7 mln teńge qarastyryldy. Qazirdiń ózinde 262 adam 1341,3 mln teńge nesıe alyp úlgerdi. Nesıe alǵandardyń 83,1 paıyzy qarajatyn mal sharýashylyǵyn damytýǵa, 12,2 paıyzy qyzmet kórsetýdiń ózge salalaryna, 4,6 paıyzy ósimdik sharýashylyǵyna jumsamaqshy.
Oǵan qosa bıylǵy jyldan bastap turǵyndardy bızneske bastaý, kásipkerlik negizderine úıretý maqsatynda 937 adam «Bastaý bıznes» jobasy arqyly oblystyń bes aýdanynda (Aqjaıyq, Jańaqala, Zelenov, Qaztalov, Terekti) pılottyq rejımde oqytylýda. Qazirgi kezde oqytýdyń tórt kezeńi aıaqtalyp, 616 adam kásipkerlik negizderine oqýǵa jiberildi.
Baǵdarlamanyń «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý» 3-baǵyty aıasynda bıyl 7008 adamdy jumyspen qamtýdyń belsendi sharalaryna tartý kózdelse, kúni búgin 7266 adam joldanyp, artyǵymen oryndalyp otyr. Sonyń ishinde 900-i áleýmettik jumys oryndaryna, 1271-i jastar tájirıbesine, 5095-i aqyly qoǵamdyq jumystarǵa jiberildi.
Jańa baǵdarlamany júzege asyrý barysynda jyl sońyna qaraı jalpy jumyssyzdyq deńgeıi 5,0 (2017 jyldyń 2 toqsanyna 4,9), jastar arasyndaǵy jumyssyzdyq 4,0 (bıylǵy ekinshi toqsanǵa 4,0), áıelder arasyndaǵy jumyssyzdyq 5,4 (5,4) paıyzdy quraıdy dep josparlanýda.
-Bıylǵy segiz aıda óńirde qansha jumys orny ashyldy, jumyssyzdyq deńgeıin tómendetý baǵytynda ne istelýde?
-Elbasy óziniń Joldaýynda jańadan ashylǵan jumys oryndarynyń sany burynǵysha Úkimetter men ákimder qyzmetiniń tıimdiligin baǵalaýdyń negizgi krıterııleriniń biri bolmaq dep atap ótken bolatyn.
Oblys kóleminde segiz aıda 10136 (sonyń 5908-i nemese 58,3 paıyzy aýyldyq jerde) jumys orny ashylsa, sonyń 8010-y (79,0 paıyzy) - turaqty, 2126-sy - ýaqytsha jáne maýsymdyq jumys oryndary.
Óńirde jumyssyzdyq deńgeıin tómendetý úshin 2017 jylǵa arnalǵan halyqty jumyspen qamtýdyń keshendi jospary bekitilgen bolatyn. Soǵan sáıkes maqsatty toptarǵa jatatyn 17035 adamdy jumyspen qamtý josparlansa, 1 qyrkúıekke deıin 16532 adam qamtylyp otyr. Sonyń ishinde 636 adam (jospar - 650) oblystaǵy memlekettik, salalyq jáne óńirlerdi damytý baǵdarlamalary boıynsha júzege asyrylyp jatqan jobalarǵa jumysqa ornalastyryldy. 2900 adam kásiptik oqýmen (jospar - 2772) qamtylsa, 900-i (885) áleýmettik jumys oryndaryna, 1271-i (935) jastar tájirıbesine, 5095-i (6073) qoǵamdyq jumystarǵa jiberildi. 5468 adam (5346) bos jumys oryndaryna ornalastyryldy.
Halyqty nátıjeli jumyspen qamtý baǵytyndaǵy sharalar odan ári jalǵasatyn bolady.
