Batys Qazaqstan oblysynda 350 oqýshydan koronavırýs tabyldy
ORAL. QazAqparat – Batys Qazaqstan oblysynda úshinshi toqsanda 1 sáýirden bastap 350 oqýshydan koronavırýs anyqtaldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, indet juqtyrǵan shákirtterdiń 180-i dástúrli sıpatta, 170-i qashyqtan oqıdy.
Osyǵan baılanysty olar bilim alatyn mektepterde tıisti karantındik is-sharalar alyndy.
«Oblysta 1 mamyrdan beri 340 adamnan indet tabyldy. Sonyń ishinde 207-sinen (60,8 paıyzy) JRVI belgileri boıynsha dárigerge qaralǵan kezde kovıd anyqtaldy. Sondaı-aq 104-i (30,5 paıyzy) buryn aýyrǵandarmen qarym-qatynasta bolǵan. 26-synan (7,6 paıyzy) profılaktıkalyq maqsatta tekserilgen, úsheýinen (0,8 paıyzy) statsıonarǵa jatqyzar aldynda synama alynǵanda, dertke shaldyqqany belgili boldy», dep habarlady vedomstvodan.
Eske sala keteıik, budan buryn Batys Qazaqstanda ınfektsııalyq statsıonarlar sany 18-ge jetkenin jazǵan bolatynbyz.
