Batys Qazaqstan oblysynda 272 myńnan astam adam koronavırýsqa qarsy egildi
ORAL. QazAqparat – Batys Qazaqstan oblysynda 272 003 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, bul – egilýge jatatyn turǵyndardyń 65,6 paıyzy.
Sondaı-aq 259 251-i (62,6 paıyzy) ekinshi ekpeni qabyldady.
Oblys boıynsha 62 375 adam revaktsınatsııadan ótti. Pfizer kompanııasynyń vaktsınasymen 10 409 adam egilse, sonyń 384-i – júkti, 4 607-si – bala emizetin áıelder, 5 416-sy – jasóspirimder, ekeýi – múgedekter.
Basqarmadan túsken málimetke qaraǵanda, pandemııa bastalǵannan beri 49 579 adam koronavırýs juqtyrdy.
Kúni búgin 14 ınfektsııalyq statsıonarda 42 naýqas jatsa, sonyń 9-y aýyr halde.
Jyl basynan beri 40 naýqas koronavırýstan kóz jumdy.
Eske sala keteıik, budan buryn BQO-da jyl basynan beri myńnan astam oqýshydan koronavırýs anyqtalǵanyn jazǵan bolatynbyz.
