Batys Qazaqstan oblysynda 232 myń tonna astyq bastyryldy
ASTANA. QazAqparat - Batys Qazaqstan oblysynda 232 myń tonna astyq bastyryldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Batys Qazaqstan oblysynyń ákimi Nurlan Noǵaev málim etti.
N.Noǵaevtyń atap ótýinshe, oblystaǵy egis alqaby 507 myń gektardy quraıdy. Onyń ishinde dándi jáne burshaq daqyldary 320 myń, maıly daqyldar 37 myń, kókónis 5,8 myń, kartop 4,5 myń jáne kópjyldyq shóp 138 myń gektar alqapqa egilgen.
«Qazirgi tańda biz kúzdik jáne jazdyq bıdaıymyzdy oryp, qambalarǵa jınap aldyq. 320 myń gektardyń 70 myń gektary kúzdik egis alqaby bolatyn. Kúzdik egistik ónimdiligi gektaryna 16 tsentnerden aınaldy. Jazdyq egistikpen birge sanaǵanda ortasha gektaryna 8 tsentnerden ónim aldyq. Jalpy, 232 myń tonna astyq jınadyq. Oblystyń qajettiligi 110 myń tonna», - dedi oblys basshysy.
Sonymen qatar ákimniń atap ótýinshe, kartop, kókónis jáne baqsha ónimderi ótken jylmen salystyrǵanda birshama joǵary bolyp otyr. Qazirgi ýaqytta oblysta 29 kókónis qoımasy bar. Olardyń jalpy syıymdylyǵy 35 myń tonnany quraıdy. Buǵan qosa jyl sońyna deıin syıymdylyǵy 4,5 myń tonnany quraıtyn eki qoıma iske qosylady.
