Batys Qazaqstan oblysynda 2020 jylǵa deıin myń shaqyrymnan astam jol kúrdeli jóndeýden ótedi
Kólik jáne kommýnıkatsııa mınıstri Jeńis Qasymbektiń aıtýynsha, 2002 jyldan bastap Batys Qazaqstan aýmaǵynda jáne Atyraý oblysynda eki kópir salynyp, 2 235 shaqyrym respýblıkalyq mańyzy bar avtomobıl joldary qalpyna keltirildi.
«Aǵymdaǵy jyly «Aqtóbe-Oral» ýchaskesiniń 65 shaqyrymyn jańartý aıaqtalyp, «Beıneý-Shetpe» ýchaskesindegi 240 shaqyrymyn ashý josparlanyp otyr. Jaqynda «Shetpe-Aqtaý» (170 shaqyrym) ýchaskesin qaıta salý jumysyn bastaýdy josparlaımyz. Al 2015 jyly «Beıneý - Aqtaý» ýchaskesindegi zaımdy únemdeý esebinen «Jetibaı - Jańaózen» avtojolyn qaıta salýdy josparlanyp otyr», - deıdi mınıstr. Onyń aıtýyna qaraǵanda, Batys Qazaqstan aýmaǵynyń respýblıkalyq mańyzy bar joldar júıesin kútip ustaý maqsatynda 317 shaqyrym joldy ortasha jóndeýden ótkizý qarastyrylǵan.
«Aǵymdaǵy jyly Memleket basshysy bekitken 2020 jylǵa deıingi kólik júıesiniń ınfraqurylymyn damytý jáne biriktirý jóninde memlekettik baǵdarlamaǵa sáıkes, Batys Qazaqstan aýmaǵynda 1 shaqyrymnan astam avtojol kúrdeli jóndeýden ótkizý kózdeledi. Budan bólek, jalpy uzaqtyǵy 1,3 myń shaqyrym «Aqtóbe - Atyraý - Astrahan», «Beıneý - Aqtaý», «Jetibaı - Jańaózen - Túrkimenstan shekarasy», «Beıneý - Aqjigit - Ózbekstan shekarasy», «Oral - Kamenka - RF shekarasy» jáne «Jympıty - Chapaev» respýblıkalyq mańyzy bar avtojoldardy qaıta salý josparlanyp otyr», - dedi J.Qasymbek.
