Batys Qazaqstan oblysynda 200-ge jýyq kıiktiń óleksesi tabyldy
ASTANA. Mamyrdyń 21-i. QazAqparat - Batys Qazaqstan oblysynda ınspektorlar 200-ge jýyq kıiktiń óleksesiniń ústinen shyqty,
dep habarlady QR Tótenshe jaǵdaılar mınıstrliginiń baspasóz qyzmetinen.
«Mamyrdyń 20-ynda saǵat 11:20-da Jánbek aýdany (Jaqsybaı aýyldyq okrýginiń Aıdarly, Jumash jáne Borsy aýyldyq okrýginiń Vyshka, Qaıdar, Shalash eldi mekenderi) aýmaǵynda kıikterdiń jappaı ólýi týraly aqparat kelip tústi», delingen baspasóz habarlamasynda.
Orman jáne ań sharýashylyǵy ınspektorynyń kıikterdiń shoǵyrlanǵan aımaqtaryna sholý jasaýy barysynda 200-den astam kıiktiń óligine kezikken. Olardyń málimetterine sáıkes, úı janýarlarynyń aýrýy jáne ólýi tirkelmegen.
Oqıǵanyń saldaryn anyqtaý maqsatynda komıssııa quryldy.
