Batys Qazaqstan oblysynda 184 bala koronavırýstan jazyldy
ORAL. QazAqparat – Batys Qazaqstan oblysynda qyrkúıek aıynan beri 231 bala koronavırýs juqtyrsa, sonyń 184-i jazylyp shyqty, dep habarlaıdy QazAqparat tilshisi.
BQO Sanıtarlyq-epıdemıologııalyq baqylaý departamentiniń baspasóz qyzmetinen málim etkendeı, qazirgi kezde 47 bala em-domyn jalǵastyrýda.
Sondaı-aq qyrkúıek aıynan beri bilim salasynyń 83 qyzmetkerinen indet tabylsa, sonyń 62-si emdelip shyqty. 21-i em alýda.
Pandemııa bastalǵaly oblysta barlyǵy 9669 adam koronavırýsqa shaldyqsa, sonyń 8319-y jazylyp shyqty. 174 adam kóz jumdy.
Sońǵy táýlikte 47 adamnyń indet juqtyrǵany tirkeldi. 1 qańtardan beri syrqattanǵandar sany 448-ge jetti.
Oblysta 158 monıtorıgilik top jumys isteýde. Jyl basynan beri karantın tártibin buzǵandarǵa 1,1 mln astam teńgege 22 hattama toltyryldy.
Qarashyǵanaq kenishin ıgerip jatqan «QPO b.v.» kompanııasynda 1 qańtardan beri 11 adamnyń koronavırýs juqtyrǵany anyqtaldy. Olardyń úsheýinen vahtalyq kezekshilikteri bastalar kezde, úsheýinen vahtalyq kezekshiligi aıaqtalǵannan keıin, beseýinen jumystan tys ýaqytta dárigerge júgingende tabylǵan. 2020 jyly bul kompanııada 86 adamnyń aýyrǵany tirkelgen bolatyn.
Sondaı-aq Chınarev kenishindegi «Jaıyqmunaı» JShS-da 2020 jyly 61 adamnyń, 1 qańtardan beri 3 adamnyń aýyrǵany belgili boldy.
Eske sala keteıik, budan buryn BQO-da kınoteatrlar ashylyp, jekelegen synyptar mektepten oqıtynyn jazǵan bolatynbyz.
