Batys Qazaqstan oblysynda 17 eldi meken elektr jaryǵynsyz qaldy
ORAL. QazAqparat – Batys Qazaqstan oblysynda qolaısyz aýa raıyna baılanysty 17 eldi meken elektr jaryǵynsyz qaldy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkenindeı, Báıterek, Jańaqala, Tasqala, Terekti aýdandarynda 13 eldi mekende – 2266 abonent, sonyń ishinde 30 áleýmettik nysan jaryqsyz qalyp otyr.
Atap aıtqanda, Báıterek aýdanynda Pogodaev (946 abonent, sonyń ishinde 4 áleýmettik nysan), Kotelnıkov (232 abonent, 3 áleýmettik nysan), Krasnov (352 abonent), Astafev (19 abonent), Chapýrın (7 abonent) aýyldarynda jaryq joq.
Sondaı-aq Tasqala aýdanynda Dostyq (168 abonent, 6 áleýmettik nysan) jáne basqa eldi mekenderde osyndaı oqıǵa oryn aldy.
Terekti aýdanynda Prırechnyı (185 abonent, 4 áleýmettik nysan), Bogdanov (165 abonent, 3 áleýmettik nysan), Dolınnyı (287 abonent, 3 áleýmettik nysan) aýyldarynda, Jańaqalanyń Plantatsııa (27 abonent) eldi mekeninde jaryq joq.
Oǵan qosa eki aýdanda bes eldi meken sýsyz qaldy.
Tasqala aýdanynda Mereke aýylynan 10 shaqyrym jerde 2 aqpan kúni saǵat 11.00-de elektr qýatynyń shekten tys artýynan sý qoımasy uńǵymasyndaǵy sorǵy janyp ketti. Sonyń saldarynan Mereke (189 abonent, 4 áleýmettik nysan), Qalmaq (15 abonent) aýyldary sýsyz qaldy.
Bókeı ordasy aýdanynda keshe saǵat 15.00-de Keńoı aýylynan 12 shaqyrym jerde «Aqmektep» sý qoımasy uńǵymasyndaǵy sorǵy janyp ketti. Sonyń saldarynan Uıaly (227 abonent, 3 áleýmettik nysan), Saraljyn (267 abonent, 3 áleýmettik nysan), Keńoı aýyldary sýsyz qaldy. Turǵyndar qudyq sýyn paıdalanýda.
Qazirgi kezde óńirde qalpyna keltirý jumystary júrgizilýde.
Eske sala keteıik, budan buryn Batys Qazaqstanda aýa raıyna baılanysty joldar jabylǵanyn jazǵan bolatynbyz.
