Batys Qazaqstan oblysynda 107 adam koronavırýstan kóz jumdy
ORAL. QazAqparat – Batys Qazaqstan oblysynda jyl basynan beri 107 adam koronavırýstan kóz jumdy, dep habarlaıdy QazAqparat tilshisi.
BQO densaýlyq saqtaý basqarmasynyń basshysy mindetin atqarýshy Arman Qalıbekovtiń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde qańtarda – 28, aqpanda – 15, naýryzda – 30, al sáýir aıynda 32 adam ómirden ótti.
Qaıtqandardyń 58-i – áıel, 49-y – er adamdar.
Arman Talǵatulynyń sózine qaraǵanda, 104 naýqasta, ıaǵnı 98 paıyzynda sozylmaly aýrýy bolǵan. 75 paıyzy júrek-qan tamyrlary aýrýlary, 13 paıyzy qant dıabeti, 12 paıyzy basqa dertpen aýyrǵan.
Óńirde osy kezge deıin 19030 adam indet juqtyrsa, sonyń 78 paıyzy (14891-i) jazylyp shyqty. Oblysta barlyǵy 276 koronavırýstan qaıtty.
Kúni búgin 195 tósektik 4 karantındik statsıonarda 19 naýqas em qabyldaýda.
«Qazirgi kezde 1115 tósektik 11 ınfektsııalyq statsıonarda 603 adam emdelýde. Sonyń ishinde 40 naýqas jansaqtaý bóliminde jatyr. Bulardyń deni – egde jastaǵy adamdar. Atap aıtqanda, ekeýi – 50-ge jetpegen, tórteýi – 50-60, 23-i – 60-80 jas aralyǵyndaǵylar, 11-i – seksennen asqandar. 32-sinde sozylmaly syrqattary (23-inde – júrek-qan tamyrlary aýrýlary, 9-ynda – qant dıabeti) bar», dedi A.Qalıbekov.
Eske sala keteıik, budan buryn Batys Qazaqstanda bıyl 720 balanyń koronavırýs juqtyrǵanyn, 6 mekteptiń karantınge jabylǵanyn jazǵan bolatynbyz.
