Batys Qazaqstan oblysynan Parlament Senatyna depýtat saılandy

ORAL. QazAqparat – Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń zalynda Senat depýtatyn saılaý ótkizildi, dep habarlaıdy QazAqparat tilshisi.

Tańdaýshylar men oblystyq aýmaqtyq saılaý komıssııasynyń birlesken otyrysyna óńirdegi 191 depýtattyń 183-i qatysty.

Oblystyq saılaý komıssııasynyń tóraǵasy Ǵaısa Qapaqovtyń málim etkenindeı, «Oral gýmanıtarlyq kolledji» MM-nyń qarjy dırektory Lıazzat Rysbekovaǵa 128 depýtat (70 paıyzy) daýys berdi.

«Batys sý arnasy» JShS dırektorynyń orynbasary Aqylbek Amanǵalıev 30 daýys (16,4 paıyz), Oblystyq balalar-jasóspirimder týrızmi jáne ekologııa ortalyǵynyń dırektory Ǵalym Bekqalıev 24 daýys (13,3 paıyz) jınady.

Osylaısha L.Rysbekova kópshilik daýysqa ıe boldy.

Eske sala keteıik, budan buryn Batys Qazaqstanda Senat depýtatyna úsh kandıdat tirkelgenin jazǵan bolatynbyz.