Batys Qazaqstan oblysyn damytýdyń keshendi josparynda qandaı jobalar qamtylǵan
«Batys Qazaqstan oblysyn damytýdyń keshendi jospary jalpy somasy 2,6 trln teńgeni quraıtyn 116 is-sharadan turady, onyń ishinde respýblıkalyq bıýdjet – 416,1 mlrd teńge, jergilikti bıýjet – 117,8 mlrd teńge, jeke ınvestıtsııalar – 2,1 trln teńge. Ónerkásip jáne kásipkerlik salasynda ındýstrııalyq aımaq qurý, quıý óndirisin, munaıdy tereń óńdeý zaýytyn jáne tsement zaýytyn salý josparlanǵan. Aýyl sharýashylyǵy salasynda 2 jylyjaı, 25 bordaqylaý alańyn, 10 sút-taýar fermasyn salý, 4 sharbaqty balyq ósirý sharýashylyǵyn qurý, sýarmaly jerler alańyn 6,6 myń gektardan 50 myń gektarǵa deıin qalpyna keltirý ári keńeıtý, Kırov sý qoımasyn rekonstrýktsııalaý kózdelgen», - dedi Á. Qýantyrov.
Onyń aıtýynsha, Oral qalasynda 1211 shaqyrym sýmen jabdyqtaý jáne sý burý jelilerin, 46,2 shaqyrym jylýmen jabdyqtaý jelilerin jáne 2051 shaqyrym elektr jelilerin salý ári rekonstrýktsııalaý, 29,7 shaqyrym «Rostoshı-Taıpaq» gaz qubyryn rekonstrýktsııalaý, sondaı-aq avtomattandyrylǵan gaz taratý stantsııasyn salý josparlanýda.
Budan basqa, 1842 shaqyrym avtojolǵa jóndeý jáne qaıta jańartý, Oral qalasynyń halyqaralyq áýejaıyn jańǵyrtý júrgiziledi.
«Sondaı-aq, emhana, kardıologııalyq ortalyq, 74 mektep, stýdentterge arnalǵan 650 oryndyq jataqhana jáne 150 oryndyq ońaltý ortalyǵy salynady. Azamattyq qorǵaýdy qamtamasyz etý úshin 3 órt sóndirý deposynyń qurylysy, Jaıyq ózeniniń jaǵalaýyn nyǵaıtý jumystary kózdelgen. Batys Qazaqstan oblysynyń keshendi josparyn iske asyrý nátıjesinde, 2025 jylǵa qaraı ónerkásip kólemi 55%-ǵa jáne aýyl sharýashylyǵynyń jalpy óniminiń kólemi 56%-ǵa ósedi, sýmen jabdyqtaý qyzmetterine qol jetkizý deńgeıi 100%-ǵa jetedi, al elektr jelileriniń tozýy 80%-dan 50%-ǵa deıin azaıady», - dedi mınıstr.
Budan buryn habarlanǵandaı , búgin Úkimet otyrysynda elimizdiń batys óńirlerin keshendi damytýdyń josparlary tanystyryldy.
