Batys Qazaqstan oblystyq qazaq drama teatrynda S.Asylbekovtiń «Kúzgi romansy» qoıyldy
ORAL. 27 aqpan. QazAqparat - 25-26 aqpan kúnderi Batys Qazaqstan oblystyq qazaq drama teatrynda belgili jazýshy-dramatýrg Serik Asylbekovtiń «Kúzgi romans» atty dramasy boıynsha qoıylǵan spektakldiń premerasy boldy.
Qoıylymdy QR eńbek sińirgen ártisi, Memlekettik syılyqtyń laýreaty Serdesh Qajymuratov sahnalady. Oqıǵa aldymen erli-zaıyptylar Nazym (Juldyz Mamedova) men Saılaýdyń (Erkin Tasbolat) arasynda órbıdi. Eriniń bóten kelinshektiń úıine kirip bara jatqanyn kórgen Nazym buǵan shydap tura almaıdy. Kıkiljińniń aqyry Saılaýdyń úıinen ketip qalýyna ákelip soǵady. Kóńildesi Sıýzannanyń (Anar Іzmuhanova) shańyraǵyna kelgen Saılaý oǵan úılenbekshi bolady. Biraq kútpegen jerden ekinshi áıelinen opyq jep, «óz úıine qaıtyp kelgen» Sıýzannanyń burynǵy kúıeýi Álibek (Rınat Sabyrǵalıev) kıligedi. Alaıda ony Sıýzanna qabyldamaıdy. Osy jerde Saılaýdyń qyzy habarlasyp, anasynyń aýrýhanaǵa túsip qalǵanyn aıtyp, ákesiniń úıine qaıtýyn ótinedi. Rejısser Saılaý men Sıýzannanyń ómirge kózqarastary uqsas, «qııalılaý». Al aqsha taýyp, tek baıýdy oılaǵan Nazym men Álibek dúnıeqońyzdyqtarymen kózge túsedi. Spektakl ómirde bolatyn otbasylyq máselelerdi barynsha shynaıy kórsetedi.
Aldaǵy naýryz aıynda jas akter Jambyl Zaev «Qustar festıvali» mýzykalyq spektaklin qoımaqshy.
