Batys Qazaqstan men Aqtóbe oblystarynda kólik qozǵalysy shekteldi

NUR-SULTAN. QazAqparat – Aýa raıynyń nasharlaýyna baılanysty BQO men Aqtóbe oblysynyń joldarynda barlyq avtokólik túrleriniń qozǵalysyna shekteý salyndy, dep habarlaıdy QazAqparat QR IIDM Telegram-kanalyna silteme jasap.

8 naýryz kúni elorda ýaqytymen saǵat 14:15-te Batys Qazaqstan oblysynda aýa raıynyń nasharlaýyna baılanysty (boran, joldyń kórinbeýi) «Samara-Shymkent» tas jolynyń 394-526 shaqyrymynda, Jympıty kenti men Aqtóbe oblysynyń shekarasy arasynda júk jáne qoǵamdyq kólikterdiń qozǵalysy shekteledi.

Sonymen birge, bul ýaqytta Aqtóbe oblysynda «Samara-Shymkent» avtojolynyń 526-712 shaqyrymy, Batys Qazaqstan oblysynyń shekarasy men Kúrshisaı kentiniń arasynda júk jáne qoǵamdyq kólikter úshin shekteý salynady.

Al «Aqtóbe-Mártók-RF shekarasy» avtojolynyń 24-99 shaqyrymy, Saryjar aýyly men RF shekarasy aralyǵynda avtokólikterdiń barlyq túrleri úshin qozǵalysqa shekteý engizildi.