Batys ıslamı baǵaly qaǵazdarǵa qyzyǵýshylyqty arttyryp keledi
ASTANA. 5 naýryz. QazAqparat - Eýropalyq qarjy daǵdarysy tamyryn tym tereńge jibergen ýaqytta sýkýk baǵaly qaǵazy tek ıslam elderinde ǵana emes, sonymen birge, batys elderinde de ınvestorlardyń senimdi ári tıimdi paıda quralyna aınalyp otyr. Bul týraly muslim.kz saıty jazady.
Saıttyń habarlaýynsha, «HSBC» boryshkerler naryǵy jónindegi meńgerýshi dırektor Muhammed Daýd Eýropadaǵy qarjy salasy men ekonomıkalyq jaǵdaıdyń tyǵyryqqa tirelýi sýkýkqa degen suranysty arttyrǵanyn málimdegen. Al «Standard & Poor's» málimetine zer salsaq, Dýbaıǵa ornalastyrylǵan 500 mln dollar mólsherindegi sýkýktyń 38 paıyzyn batys elderiniń ınvestorlary satyp alǵan. «Standard Chartered Bank» ıslamı banktiń dýbaılyq bólimshesiniń jetekshisi Ahsan Áliniń aıtýynsha, bul da bıznestiń bir túri. ıAǵnı, qolma-qol esep aıyrysý arqyly joǵary mólsherleme boıynsha jetkilikti qarajatqa qol jetkizýge bolady.
«Sarapshylar aldaǵy ýaqytta sýkýk naryǵyna Týnıs pen Mysyrdyń da enetinin aıtyp otyr. Olar ózderiniń ınfraqurylymdyq jobalaryna qarajat tartý úshin osyndaı qadamǵa barady», - dep jazady Astanadaǵy Áziret Sultan meshitiniń resmı saıty.
