Batys Eýropa-Batys Qytaı jolynyń boıyndaǵy «mıtıng» jalǵan bolyp shyqty

TÚRKІSTAN. QazAqparat - Áleýmettik jelide 12-sinen 13-sáýirge qaraǵan túni «Batys Eýropa-Batys Qytaı» tas jolynyń boıynda ornalasqan «QazMunaıGaz» janarmaı quıý stantsııasynyń janynda azamattar janarmaı baǵasynyń ósýine baılanysty mıtıngke jınaldy degen beınejazba paıda boldy, dep habarlaıdy QazAqparat.

«13 sáýir kúni saǵat 04:30 shamasynda aqparat boıynsha oqıǵa ornyna shyqqan Saıram aýdanynyń polıtseıleri málimetterdiń jalǵan ekenin anyqtady. ıAǵnı 12 sáýir kúni atalǵan avtojolda kólikter jarysy uıymdastyrylmaqshy bolǵany, alaıda tártip saqshylary der kezinde kelip, olardy taratyp jibergeni belgili boldy», - dep jazdy Túrkistan oblystyq polıtsııa departamentinen.

Qazirgi ýaqytta aýdandyq PB qyzmetkerleri jalǵan málimetterdi taratqan turǵyndy anyqtaý maqsatynda tıisti jumystardy júrgizýde.

Sonymen qatar tártip saqshylary jalǵan aqparat taratqany úshin qatań jaýapkershilikke tartý kózdelgenin eske salady.