«Batys Eýropa - Batys Qytaı» jolyna qajetti jer telimderin satyp alýdyń birikken jospar-kestesine qol qoıyldy
ASTANA. 10 jeltoqsan. QazAqparat - Búgin Ońtústik Qazaqstan oblysynda QR Kólik jáne kommýnıkatsııa mınıstri Berik Kamalıevtiń jáne Ońtústik Qazaqstan oblysynyń ákimi Asqar Myrzahmetovtyń qatysýymen «Batys Eýropa - Batys Qytaı» jobasyn júzege asyrý máseleleri boıynsha májilis ótti,
dep habarlady atalǵan vedomstvonyń baspasóz qyzmetinen.
Otyrys barysynda QR KKM Avtomobıl joldary komıtetiniń tóraǵasy Zamır Saǵynov «Batys Eýropa - Batys Qytaı» halyqaralyq tranzıttik dálizi jobasyn júzege asyrýdyń qazirgi jaǵdaıy jáne merdigerlik kompanııalardyń jumysy týraly baıandama jasady. Sonymen birge májilis barysynda jerdi satyp alý máselesi de talqylanyp, nátıjesinde jerdi satyp alýdyń birikken jospar-kestesine qol qoıyldy.
Aıta keteıik, jumysqa 1271 dana jol-qurylys tehnıkasy men qural-jabdyqtar jumyldyrylǵan. Jobada jumys isteıtin merdigerlik kompanııalardyń jumysshylarynyń jalpy sany - 4 087 adam, onyń 3 145-i nemese 77 paıyzy jergilikti turǵyndar.
Tranzıttik dálizdiń Ońtústik Qazaqstan oblysy arqyly ótetin bóligi 448 shaqyrymdy quraıdy. Qazirgi ýaqytta qurylys jumystary jalpy uzyndyǵy 224 shaqyrymdy quraıtyn 6 ýchaskede júrgizilýde.
