«Batys Eýropa - Batys Qytaı» jobasynyń saıty jasaldy
ALMATY. Maýsymnyń 25-i. QazAqparat /Erbol Azanbek/ - «Batys Eýropa - Batys Qytaı» jobasynyń saıty jasaldy. Bul týraly «Batys Eýropa - Batys Qytaı» avtojoly boıymen ótip jatqan baspasóz týry barysynda jýrnalıstermen kezdesýde Qazaqstan Respýblıkasynyń Kólik jáne kommýnıkatsııa mınıstri Ábilǵazy Qusaıynov aıtty.
www.europe-china.kz dep atalatyn saıt shildeniń birinen bastap jumys isteıdi. Saıttyń maqsaty jahandyq jobany aqparat turǵysynan qoldaý, onlaın rejıminde halyqpen baılanys ornatý. Saıtta tanymdyq materıaldar, beıne- fotomaterıaldar, bos jumys oryndary, jobaǵa qatysýshy kompanııalar týraly aqparat alýǵa bolady. Sondaı-aq, saıtta Uly Jibek jolynyń tarıhy, «Batys Eýropa - Batys Qytaı» kúre jolyndaǵy tarıhı eskertkishter týraly aqparattar da berilmek. Jol dálizi ótetin qala men eldi meken turǵyndaryna da qatysty aqparattarmen tolyqtyrylyp otyrady.
