«Batys Eýropa -Batys Qytaı» jobasynyń merdigerleriniń esepteri tyńdaldy
ASTANA. Sáýirdiń 30-y. QazAqparat /Ernur Aqanbaı/ - 2010 jylǵy sáýirdiń 28-29 kúnderi QR Kólik jáne kommýnıkatsııa mınıstri Ábilǵazy Qusaıynov «Batys Eýropa -Batys Qytaı» halyqaralyq tranzıttik dálizi jobasyn júzege asyrýshy merdigerlik uıymdarymen keńester ótkizdi. Olarda Qyzylorda, Jambyl jáne Aqtóbe oblystarynda jumys jasap jatqan kompanııalardyń esepteri tyńdalyp kókeıkesti máseleleri talqylandy,
dep habarlaıdy QazAqparat atalmysh vedomstvonyń baspasóz qyzmetine silteme jasap
Baspasóz qyzmetiniń málimetinshe,óńirler boıynsha atqarylǵan jumystar jóninde jobanyń iske asyrylýyn jer-jerde basqaryp otyratyn avtomobıl joldary komıtetiniń Qyzylorda, Jambyl jáne Aqtóbe oblystaryndaǵy departamentteriniń dırektorlary habarlamalar jasaǵan.
Qyzylorda departamentiniń dırektory Qozybaı Momynbekovtiń baıandaýynsha, bas merdiger «Sapını» AQ men «Todını» AQ jumysty kestege sáıkes jáne qajetti deńgeıde uıymdastyrdy. Sonymen qatar, tehnıka men adam kúshin jumyldyrýmen, materıal daıyndaýmen nashar shuǵyldanǵan kompanııalar da bar. Olardyń qatarynda «Impreza» AQ men «Akkord/Okan» AQ bar.
Jambyl oblysy boıynsha «K-Dorstroı» AQ kompanııasynyń jumysyna oń baǵa berilse, «AKM» JShS men «Kazahdorstroı» JShS jumys kestesinen qalyp qoıǵandyǵy jóninen eskertý aldy.
Aqtóbe oblysynda jumys jasap jatqan «Dena Rahsaz Kazahstan» JShS kompanııasynyń esebi ondaǵy jumys qarqynynyń tómendigin kórsetti.
Ózekti máselelerdiń qatarynda topyraq karerleriniń qujattaryn resimdelýin keshiktirý, materıal daıyndaý, jol-qurylys tehnıkasyn jáne asfalt-beton zaýyttaryn jumyldyrý kestesinen qalyp qoıý oryn alýda.
Keńesterdiń jumysyn qorytyndylaı kele kólik vedomstvosynyń basshysy jumys kestesinen qalyp qoıýshy kompanııalarǵa kemshilikterdi joıý merzimderi belgilenetindikterin aıtty. Belgilengen kezeńde olardyń qyzmeti muqııat tekseriledi, jaǵdaı qaıtalanatyn bolsa olardyń lottaryn basqa merdigerlik uıymdaryna berý jóninde sheshim qabyldanatyn bolady.
