«Batys Eýropa - Batys Qytaı» jobasyn júzege asyrý máseleleri boıynsha selektorlyq keńes ótkizildi
ASTANA. 23 maýsym. QazAqparat - Keshe, 22 maýsymda Qazaqstan Respýblıkasy Kólik jáne kommýnıkatsııa mınıstri Berik Kamalıev «Batys Eýropa - Batys Qytaı» jobasyn júzege asyrý máseleleri boıynsha selektorlyq keńes ótkizdi.
Keńeske Aqtóbe, Qyzylorda, Almaty, Ońtústik Qazaqstan jáne Jambyl oblystyq ákimshilikteri men basqarmalarynyń jetekshileri, avtomobıl joldary komıtetiniń oblystyq departamentteri men merdigerlik uıymdardyń jetekshileri qatysty.
Selektorlyq keńes barysynda jer kenishterin resimdeý, jer telimderin satyp alý máseleleri men jobanyń júzege asyrylý barysy talqylandy.
2011 jyly 161 mlrd. teńgeni ıgerip, 730 km joldy salý (sonyń ishinde 275 km - І tehnıkalyq kategorııa, 455 km - ІІ tehnıkalyq kategorııa) josparlanyp otyr.
Qazirgi tańda 1615 km boıynda merdigerlik uıymdar qurylys jumystaryn júrgizýde. 5 ýchaske boıynsha baıqaý protsedýralary ótkizilýde.
21 maýsymdaǵy jaǵdaı boıynsha jobaǵa 5 myń dana jol-qurylys tehnıkasy, 31056 adam, olardyń ishinde 30572 qazaqstandyq pen 484 sheteldik jumyldyrylǵan. 2011 jylǵa arnalǵan negizgi jol-qurylys materıaldarynyń 51%-dan astamy daıyndalǵan.
Búginde uzaqtyǵy 215 km bolatyn Qarabutaq - Yrǵyz ýchaskesinde qurylys jumystary aıaqtaldy.
