«Batys Eýropa - Batys Qytaı» jobasyn iske asyrý barysynda Jambyl oblysynda bıylǵy jyly 30,5 mıllıard teńge ıgerilýi tıis
ASTANA. Aqpannyń 11-i. QazAqparat. 2010 jylǵy 11 aqpanda QR Kólik jáne kommýnıkatsııa mınıstri Ábilǵazy Qusaıynov óńirlik basqarý ortalyǵy otyrysynda Jambyl oblysyna jumys saparymen kelgen Qazaqstan Respýblıkasynyń Premer-Mınıstriniń birinshi orynbasary Ómirzaq Shókeevke «Batys Eýropa - Batys Qytaı» jobasynyń osy aýmaqta iske asyrý barysy boıynsha baıandady,
dep habarlaıdy Mınıstrliktiń baspasóz qyzmeti.
Halyqaralyq dálizdiń oblys boıynsha uzaqtyǵy 558 shaqyrym, onyń 480 shaqyrymyn qaıta jańartý josparlanǵan.
Joldyń qazirgi jaǵdaıyn eskere otyryp, uzaqtyǵy 283 shaqyrym 4 jolaqty I tehnıkalyq sanattaǵy negizgi qozǵalys baǵytynda tsement-beton jamylǵy ornatý kózdelgen. 197 shaqyrym 2 jolaqty II sanat deńgeıine keltiriledi. Olardyń ishinde Taraz qalasynyń aınalma jolynyń 60 shaqyrym, Qaınar - Qordaı ýchaskesiniń 45, Qordaıdyń aınalma jolynyń 76 jáne Qyrǵyzstan shekarasyna kirme joldyń 1 shaqyrymy bar.
Sonymen qatar, qarsy jolǵa shyǵyp ketpeý úshin qozǵalysty shekteıtin qorshaýlar ornatý, eldi mekender jáne kóliktik aıyrym arqyly ótetin ýchaskelerdi jaryqtandyrý, Kúıik, Mashat, Qordaı asýlary arqyly ótetin aınalma joldardy qalypqa keltirý josparlanǵan. Sondaı-aq, Qyrǵyz Respýblıkasy aýmaǵyn aınalyp ótetin, buryn memlekettik shekarany birneshe jerden kesip ótetin Kamyshanovka jáne Stepnoe aýyldary mańyndaǵy joldardy qaıta jańartý jumystary júrgiziledi.
11 ýchaske boıynsha júretin qurylys jumystary Azııa damý bankisiniń zaımdyq qarajaty esebinen qarjylandyrylady. 700 mln. $ jalpy uzaqtyǵy 317 shaqyrym 8 ýchaskedegi jumystardy júrgizýge baǵyttalady. Islam damý bankisi beretin 398 mln. $ uzaqtyǵy 63 shaqyrym ýchaskelerdi qaıtý qurýǵa arnalǵan. Sonymen qatar, jumystardyń bir bóligine respýblıkalyq bıýdjetten qarjy bólinedi.
Búgingi tańda banktermen jalpy somasy 697 mln. $ zaım jónindegi kelisimderge qol qoıyldy. ADB 1 transh boıynsha 126 shaqyrym jol ýchaskesinde qurylys jumystary boıynsha kelisimshartqa qol qoıylyp, jalpy somasy 4,7 mlrd. teńge avanstar tólendi.
Merdigerler qatarynda - «Aqmola Qurylys Materıaldary» JShS (45 shaqyrym), «Kazahdorstroı» JShS (41 shaq.), «KSS/Jambyljolqurylys (40 shaq.) JShS. Barlyq 3 ýchaske boıynsha ázirlik jumystary, materıaldardy jetkizý men daıyndaý júrgizilýde. 143 myń tekshe metr shaǵyltas daıyndylyp, 106 tehnıka, 224 jumysker jumyldyrylǵan.
Ústimizdegi jyldyń qańtarynda Islam damý bankisiniń 1 transhy boıynsha «K-Dorstroı» JShS-men uzaqtyǵy 58 shaqyrym joldy qaıta jańartý boıynsha kelisimshartqa qol qoıyldy. Jaqyn arada merdiger jumysqa kiriskeli otyr.
Jalpy qurylys jumystaryn materıalmen qamtamasyz etý úshin 1 085 myń tekshe metr shaǵyltas, 10 myń tonna bıtým, 785 myń tonna tsement qajet.
Qurylys jumystaryna 2,8 myń jol-qurylys tehnıkasy men 9,8 myń adam jumyldyrylady.
Ústimizdegi jyly oblys boıynsha jobany iske asyrý barysynda 30,5 mlrd. teńge ıgerilýi tıis, jumys júrgizý kestesi boıynsha 84 shaqyrym ýchaskede qozǵalys ashylatyn bolady.
