«Batys Eýropa - Batys Qytaı» jobasyn iske asyrý barysyn baqylaý jónindegi basqarý ortalyǵynyń kezekti otyrysy ótti
ASTANA. Naýryzdyń 12-si. QazAqparat. Búgin Astanada QR Kólik jáne kommýnıkatsııa mınıstri Ábilǵazy Qusaıynovtyń tóraǵalyǵymen «Batys Eýropa - Batys Qytaı» halyqaralyq tranzıttik dálizin qaıta salý jobasynyń Qyzylorda oblysy boıynsha iske asyrylýyn baqylaý jónindegi basqarý ortalyǵynyń kezekti otyrysy bolyp ótti.
Oǵan merdigerlik jáne qosalqy merdigerlik kompanııalardyń, jobany basqarý jáne qurylysty qadaǵalaý jónindegi konsýltant kompanııalarynyń basshylary qatysty, dep hhabarlady KKM baspasóz qyzmetinen.
Otyrysty ashqan kólik vedomstvosynyń basshysy bul jobanyń Qazaqstannyń ekonomıkasy úshin mańyzdylyǵyn atap ótti. Osyǵan baılanysty jáne sonymen birge Elbasy Nursultan Nazarbaevtyń tapsyrmasyn oryndaý maqsatynda jobany iske asyrý barysynda jergilikti turǵyndardy qurylys jumystaryna tartý, jergilikti qurylys materıaldaryn paıdalaný men kásiporyndardy jumyldyrýǵa erekshe kóńil bólý qajettiligine aıryqsha toqtaldy.
Qazirgi tańda qurylys jumystary bastalǵan Qyzylorda óńirinde atqarylyp jatqan jumystar boıynsha avtomobıl joldary komıtetiniń tóraǵasy Zamır Saǵynov baıandady. Atqarylǵan jumystar jóninde barlyq tórt merdigerlik kompanııalardyń - «Salını Kostrýttorı S.p.A.», «Impreza S.p.A.», «Todını Kostrýtsıonı Djeneralı S.p.A.», «SP Akkord Okan» - basshylary baıandady.
Merdigerlerdiń esepterin qorytyndylaı kele, mınıstr Ábilǵazy Qusaıynov jumys kestesine sáıkes ýaqytyly júrgizilýine baǵyttalǵan pármendi sharalar qoldanýdy tapsyrdy. Onyń ishinde, jumys brıgadalarynyń jumys tártibin eki aýysymǵa kóshirý, sapa máselesin basty nazarda ustaı otyryp, naqty jumystar kólemin oryndaý qarqynyn arttyrý qajet dep túıdi.
