Batys Eýropa - Batys Qytaı tasjolynda kólik apaty bolyp, bir adam kóz jumdy
TALDYQORǴAN. QazAqparat - Almaty oblysyndaǵy Batys Eýropa - Batys Qytaı tasjolynda kólik apaty bolyp, bir adam ajal qushty. Oqıǵa joldyń 153 shaqyrymynda bolǵan, dep habarlaıdy QazAqparat tilshisi.
Oblystyq prokýratýranyń baspasóz qyzmetiniń málimetinshe, Audi 100 markaly kóligi traktordyń tirkemesine soǵylǵan. Jeńil kólikti tizgindegen 22 jastaǵy júrgizýshi oqıǵa ornynda tilge kelmesten kóz jumdy. Al mashınadaǵy úsh jolaýshysy túrli dene jaraqatymen Eńbekshiqazaq aýdanynyń Shelek aýylyndaǵy aýrýhanaǵa túsken. Zardap shekkender Serbııa eliniń azamattary ekeni belgili boldy. Atalǵan fakti boıynsha tergeý jumystary bastaldy.
