Batys Eýropa - Batys Qytaı» magıstraliniń keler jylǵa josparlanǵan 806 shaqyrymynyń 100 shaqyrymy paıdalanýǵa berildi

Bul týraly búgin QR Prezıdenti janyndaǵy Ortalyq kommýnıkatsııalar qyzmeti uıymdastyrǵan brıfıngte QR Kólik jáne kommýnıkatsııa mınıstri Asqar Jumaǵalıev málim etti.

«Batys Eýropa - Batys Qytaı» magıstraliniń bıylǵy josparlanǵan 700 shaqyrymynyń ornyna 800 shaqyrym jol saldyq. Qazir bul jol paıdalanýǵa berildi», - dedi ol.

Mınıstrdiń atap ótýinshe, sonyń nátıjesinde kelesi jylǵa salynýy josparlanǵan  806 shaqyrymnyń 100 shaqyrymynda bıyldyń ózinde-aq kólik qozǵalysyna jol ashyldy.

«Jalpy respýblıkalyq joldar boıynsha bıyl 4,2 myń shaqyrym jolda qurylys jáne jóndeý jumystary júrgizildi. Aldaǵy jyly 4,6 myń shaqyrym joldy jóndeý jumystarymen qamtýdy josparlap otyrmyz», - dedi A.Jumaǵalıev.

Jalpy mıınstrlik taratqan aqparatqa qaraǵanda, «Batys Eýropa - Batys Qytaı» magıstrali qurylysyna 21 bas merdiger, 66 qosalqy merdiger kompanııa, 35 myńnan astam jol qurylysshylary jumyldyrylyp, 4,5 myńnan astam tehnıka, 34 astfalt betonyn, 32 tsement betonyn shyǵaratyn zaýyt jáne 37 tas ýatqysh qondyrǵy tartylǵan.